Leontien Zijlaard-van Moorsel (22 de marzu de 1970, Boekel), nacida como Leontine van Moorsel, ye una deportista neerlandesa que compitió en ciclismu nes modalidaes de ruta y pista, especialista nes pruebes de contrarreló y persecución. Foi cuatro veces campeona olímpica (tres medayes d'oru en Sydney 2000 y una en Atenes 2004, tantu en pista como en carretera), ocho veces campeona mundial (cuatro en carretera y cuatro en pista), lo que la convierte nuna de les ciclistes femenines más gallardoniaes de la hestoria y la que tien la mayor cantidá de metales olímpicos, 6 medayes totales.[n 1]
Participó en trés Xuegos Olímpicos de Branu, ente los años 1992 y 2004, llogrando en total seis medayes: en Sydney 2000, trés d'oru (ruta, contrarreló y persecucion individual) y una de plata (puntuación), y en Atenes 2004, una d'oru (contrarreló) y una de bronce (persecucion individual).[3]
Ganó cinco medayes nel Campeonatu Mundial de Ciclismu en Ruta ente los años 1991 y 1999.[4]
En pista llogró cinco medayes nel Campeonatu Mundial de Ciclismu en Pista ente los años 1990 y 2003, y una medaya de plata nel Campeonatu Européu de Ómnium de 1998.[5]
Dende 1995 ta casada col tamién ciclista de pista Michael Zijlaard, del que tomó'l so apellíu.[6]
Error de cita: Esisten etiquetes <ref>
pa un grupu llamáu "n", pero nun s'alcontró la etiqueta <references group="n"/>
correspondiente